السلام عليكم ورحمه الله وبركاته
ازيكم يا حبيباتي واخواتي في الله والله انا بحبكم في الله لانكم بتفيدوني جدا وبتشغلوا فراغي
باختصار اكيد كلنا بيجي علينا اوقات ونضايق والدنيا تخنقنا ونتخانق مع ازوجنا وممكن مشاكلنا تكون هينه وتكبر قوي بالخناق والعناد
والشيطان الحاضر وقت الغضب والمفرق بين الاحبه انا واحده من الناس عشت نص عمري مع راجل واحد بس عمري ما عرفت غيره من وانا عمري 11 سنه وانا معاه يعني بقالي عشر سنين معاه وكل يوم عدي عليا كنت بتمني اكون معاه واتجوزت اخيرا بعد 9 سنين خطوبه وبهدله وكرب وسبحان من عدي الايام عليا وعليه ومع ذلك بعد الجواز ومن تاني اسبوع اتخانقنا لاسباب كتير وغلط مني ومنه وتفاصيل مش عاوزه افكر نفسي بيها لان اللي فات فات وربنا يعني ويعين كل واحده انها تبدا صفحه جديده وبيضا مع زوجها لحد انهارده بس انا وهو كنا متخانقين جامد لدرجه اني فكرت اطلق واخلص بقي من المشاكل الكتير وحرقه الاعصاب وبعدين فكرت وقلت اجرب حاجه يمكن تهديني
ودي بقي الطريقه اللي بقول لكم عليها
جيبت ورقه و قلم وقسمت الصفحه نصين نص مميزات جوزي ونص عيوبه وطبعا من ضيقي بدات بالعيوب اللي مضايقاني و بعدين استعذت بالله من الشيطان وقلت ابدا اكتب مميزات و وحده وحده ركزت اكتر في المميزات لقيتها كتيييييييييره والعيوب نصها او اقل وبعدين بصيت للعيوب لقيت معظمها بسيط وممكن يكون فيا كمان و بعدين في الاخر لما حكمت علي الورق لقيتني غلطانه في حاجات وهديت من ناحيه جوزي وكلمته لقيته زعلانه وصدني وقالي كلام يدايق قلت اصبر نفسي واستعيذ بالله من الشيطان وقلت له علي اللي عملته وقرات له المميزات اللي انا شايفاها وبعد ما الجو هدي بينا قلت له علي العيوب بس بطريقه احسن من اللي علي الورق وقلت له ايه ردك و رغم انه انكر في الاول رجع تاني رق وقالي انتي كمان عندك عيوب قلت له وانا معترفه وبدانا التفاهم بعد ما كنت مخنوقه منه لدرجه اني عاوزه اطلق وسبحان الله ربنا هدانا لبعض في الاخر و قفلنا سوا واحنا متصالحين
نصيحه لله هدي نفسك قوي وبلاش تشيلي في قلبك ومتعتبيش لبعدين هتتعبي قوي وتلاقي حياتك مش زي ما كنتي تتمني لكن كوني حياديه واعرفي عيوبك او حاولي تعرفيها واهدي وانتي بتاخدي حقك ولازم تاخدي حقك وتقولي رائيك لكن اختاري الطريقه الصح
وربنا يصلح حال زوجي ويرزقه من حيث لا يحتسب ويهديني له ويهديه لي ويكمل حملي بخير ويرزقنا طفل سليم معافي والمسلمين جميعا يا رب واستودعكم الله
ازيكم يا حبيباتي واخواتي في الله والله انا بحبكم في الله لانكم بتفيدوني جدا وبتشغلوا فراغي
باختصار اكيد كلنا بيجي علينا اوقات ونضايق والدنيا تخنقنا ونتخانق مع ازوجنا وممكن مشاكلنا تكون هينه وتكبر قوي بالخناق والعناد
والشيطان الحاضر وقت الغضب والمفرق بين الاحبه انا واحده من الناس عشت نص عمري مع راجل واحد بس عمري ما عرفت غيره من وانا عمري 11 سنه وانا معاه يعني بقالي عشر سنين معاه وكل يوم عدي عليا كنت بتمني اكون معاه واتجوزت اخيرا بعد 9 سنين خطوبه وبهدله وكرب وسبحان من عدي الايام عليا وعليه ومع ذلك بعد الجواز ومن تاني اسبوع اتخانقنا لاسباب كتير وغلط مني ومنه وتفاصيل مش عاوزه افكر نفسي بيها لان اللي فات فات وربنا يعني ويعين كل واحده انها تبدا صفحه جديده وبيضا مع زوجها لحد انهارده بس انا وهو كنا متخانقين جامد لدرجه اني فكرت اطلق واخلص بقي من المشاكل الكتير وحرقه الاعصاب وبعدين فكرت وقلت اجرب حاجه يمكن تهديني
ودي بقي الطريقه اللي بقول لكم عليها
جيبت ورقه و قلم وقسمت الصفحه نصين نص مميزات جوزي ونص عيوبه وطبعا من ضيقي بدات بالعيوب اللي مضايقاني و بعدين استعذت بالله من الشيطان وقلت ابدا اكتب مميزات و وحده وحده ركزت اكتر في المميزات لقيتها كتيييييييييره والعيوب نصها او اقل وبعدين بصيت للعيوب لقيت معظمها بسيط وممكن يكون فيا كمان و بعدين في الاخر لما حكمت علي الورق لقيتني غلطانه في حاجات وهديت من ناحيه جوزي وكلمته لقيته زعلانه وصدني وقالي كلام يدايق قلت اصبر نفسي واستعيذ بالله من الشيطان وقلت له علي اللي عملته وقرات له المميزات اللي انا شايفاها وبعد ما الجو هدي بينا قلت له علي العيوب بس بطريقه احسن من اللي علي الورق وقلت له ايه ردك و رغم انه انكر في الاول رجع تاني رق وقالي انتي كمان عندك عيوب قلت له وانا معترفه وبدانا التفاهم بعد ما كنت مخنوقه منه لدرجه اني عاوزه اطلق وسبحان الله ربنا هدانا لبعض في الاخر و قفلنا سوا واحنا متصالحين
نصيحه لله هدي نفسك قوي وبلاش تشيلي في قلبك ومتعتبيش لبعدين هتتعبي قوي وتلاقي حياتك مش زي ما كنتي تتمني لكن كوني حياديه واعرفي عيوبك او حاولي تعرفيها واهدي وانتي بتاخدي حقك ولازم تاخدي حقك وتقولي رائيك لكن اختاري الطريقه الصح
وربنا يصلح حال زوجي ويرزقه من حيث لا يحتسب ويهديني له ويهديه لي ويكمل حملي بخير ويرزقنا طفل سليم معافي والمسلمين جميعا يا رب واستودعكم الله
ليست هناك تعليقات:
إرسال تعليق