الفكره الاولي
لو عايزه تجيبى هديه لخطيبك او حبيبك او جوزك ، بس محتاره تجيبى إيه ،
أو ظروفك متسمحش ، ممكن تجيبى كرت جميل ، تكتبى فيه
الجمله ديه :
حبيبى ذهبت لأشترى لك ساعه ، فلم أجد أفضل من
الساعه التى عرفتك فيها).
الفكره الثانيه
ممكن تقصى ورق مرسوم على شكل شفايف ، وتلونيه باللون الأحمر أو
تشترى ورق كرتون أحمر) وتحطى القصاصات ديه من أول باب البيت إلى
غرفة النوم ، وتكتبى فى نهايه القصاصات ديه ، اللى عند غرفة النوم
( كنت أقبل الأرض التى تمشى عليها) .
علشان يشوفها أول ما يدخل من الباب
الفكره الثالثه
جيبى ورقه ( بس يكون الكلام مطبوع من على الكمبيوتر) علشان يبقى شكله
أجمل ، وتكتبى فى أول السطر فى النص:
( شهادة تقدير)
وتكتبى تحتها من أول السطر:
( يسر الله الحياه الزوجيه أن تهنئ الزوج الغالى/ ....... على إجتيازه ( اكتبى عدد
سنوات الزواج) بنجاح... وتفوقه فى مشاعر الحب والرومانسيه والطيبة
والاخلاق الحسنه . ولذلك منحت له هذه الشهاده . مع تمنياتنا له بالحياه السعيده
فى ظل زوجته الحبيبه). واكتبى فى آخرها ( اسم الزوجه وتحتها اسمك )
وجنبها ( إشراف ، وتحتها الحياه الزوجيه). وممكن تحت إسمك تحطى قبله
كتوقيع.
والورقه ديه تحطيها فى برواز وتعلقيها فى غرفة النوم
الفكره الرابعه
تجيبى ورقه حلوه زى المنيو بتاعت المطعم ( أو ورق كرتون مقوى ملون
هيكون أفضل) ، وتكتبى فيها ( مطعم اللبيب فى تدليل الحبيب) أو أى فكره
تعجبك أكتر.
و تتنى الورقه 3 أجزاء بالطول زى المنيو بالظبط ، وتخلى فى أول جزء
(اسم المطعم) وتكتبيه بطريقه جميله ، وممكن تحطى فى الصفحه ديه صور
قلوب أو ورود حلوه ( ممكن تشترى إستيكر).
المهم يقرأ الاسم ده فى أول المنيو ، ولمه يجى يفتحها يلاقى صفحتين صفحه
يمين وصفحه شمال ، تكتبى فى الصفحه اليمين بخط وألوان جميله ( هذا ما سأقدمه تعبيرا عن حبى
وإمتنانى لك حبيبى ). أما فى الصفحه التالته ، تكتبى أنواع الأكل اللى إنتى عملهاله . وتكونى حطيتى
الأكل على السفره ، وبينهم فازة ورد ، وتوقفى المنيو على السفره ، أو تجيبى
علبة هدايا بيبقى فيها ورد مجفف ، وتحطى فيها المنيو. وتحطى فوق العلبه ديه
ورقه مكتوب عليها ( بارك الله لى فى عمرك حبيبى
الفكره الخامسه
لو عايزه تقدمى لجوزك حبيببك هديه ، خلى طريقة تقديمك
للهديه تبقى مميزه.
يعنى لما يرجع البيت ، يلاقيكى حاطه ورقه على الباب
مكتوب عليها:
( أحبك يا حبيبى .. لذا أحضرت لك هديه ، ولكنك ستتعب حتى تحصل
عليها ، فاذا أردتها ، يجب عليك أن تجمع الاربع حروف من كلمة أحبك. وإذا
أردت البحث عن الحرف الاول ، فستجده فى المكان الذى ( تقوليله على مكان
معين ، يبدأ يدور فيه ) وفى نفس المكان تكونى حاطه ورقه فيها الحرف (أ)
ومكتوب فى نفس الورقه ( أحبك.. أموت فيك.. أهواك .. أعشقك .. أنا
مجنون بعيونك) وتحتها تكتبى ( إذا أردت الحرف الثانى ستجده
( وتكتبيله المكان ، دولاب ملابسه مثلا) ، وهناك هيلاقى ورقه فيها
حرف (ح) وتحته ( حياتى . حبى . حنانى . ليتك تعرف كم أعشقك وكم
أهواك) وتحتها ( إذا أردت البحث عن الحرف الثالت ، فستجده ( اكتبيله مثلا
داخل البومبونيره ، أو أى مكان يعجبك) وهناك هيلاقى حرف (ب) وتحته
( بعمرى ما شفت زايك .. كم أنا فخوره بأنك زوجى ، وهذا شرف لى )
وتحتها ( ستجد الحرف الاخير عند جهاز الكمبيوتر مثلا) وهناك يجد حرف (ك) وتحته ( كنت أتمنى
أن يميزنى الله عن باقى البشر وينعم علي بنعمه ، والحمد لله هذه النعمه
هى أنت ... فأنت أكثر من رائع ) . وهناك توضع الهديه
الفكره السادسه
وتدى لزوجك ورقه بالطلبات علشان يجيبهالك ، متنسيش
تحطى فى الآخر ( تحت آخر طلب) الجمله ديه:
علبة بوسات من شفايف حبيبى.
الفكره السابعه
ممكن ترسمى على مرايه التسريحه أو على مرايه الحمام بالقلم الروج مكتوب داخله
(أنت حبى ، أو أعشقك حبيبى أو بموت فيك)،
وممكن تحطى تحته قبله من شفايفك كتوقيع ، ومتخافيش بيتمسح بسهوله.
الفكره الثامنه
لو مش عايزه جوزك يقعد على الكمبيوتر أو يتفرج على التليفزيون ، جيبى ورقه
كبيره وحطيها على الشاشه مكتوب عليها:
( إشتقت لقربك ) أو( سنسهر الليله
الفكره التاسعه
ممكن تجيبى كرت جميل وتكتبى فيه ( حبيبى أنت مدعو اليوم لقضاء ليله
رومانسيه من أجمل ليالى العمر ، لن تنساها أبدا) واكتبيله المكان والساعه .
وتكونى إنتى ساعتها حاجزه فى مكان (مش شرط يبقى غالى) ، فيه أماكن بتبقى
مش غاليه زى الشاليهات مثلا ، وتروحى إنتى وأختك مثلا هناك تزينى الغرفه
بالورود والبالونات ، وتكونى مجهزه تورته حلوه على شكل قلب مكتوبه عليها
كلمه جميله أو إسم حبيبك ، و
موسيقى ، وتزينى نفسك ، ولمه جوزك يجيلك بعد ما يقرأ الورقه ، تبقى ساعتها
الفكره العاشره
ممكن تلفى ورق الهدايا الملون على جسمك ، وتنامى على السرير.
وتكونى حاطه على باب الغرفه ورقه مكتوب عليها
( حبيبى ... أعددت لك هديه بالداخل).
و تكونى وإنتى نايمه على السرير ومتغلفه بورق الهدايا ، ماسكه فى إيديك
(أو حاطه عليكى ) ورقه مكتوب عليها
( ما وجدت أغلى من نفسى لأهديها لك
الفكره الحادية عشر
تجيبى نوته ( مفكره) وتتفقى مع زوجك حبيبك إنكوا تكتبوا فيها كل مشاعركوا
الجميله ، يعنى كل واحد حس بأحاسيس جميله ناحية الطرف الآخر، أو عايز
يشكره على حاجه معينه ، يروح يكتب بسرعه فى لحظتها ، علشان
مينساش.
والنوته ديه تحطوها فى مكان معين تتفقوا عليه ، وحاولوا تحطوها فى مكان
وفى اليوم اللى تيجى تعملى فيه ليله رومانسيه ، تجيبيها وتقعدوا تقرأوها مع
بعض، وهتتبسطوا كتير، وتسترجعوا الذكريات الجميله.
الفكره 12
اتفقى مع زوجك إن كل واحد فيكوا يقوم بدور جنى الحب . وكل واحد يطلب من
الطرف التانى طلب وهو يحققهاله.
بس تبدأى إنتى بالدور ده وتبقى جنية الحب . وتقوليله ،
( شبيك لبيك ... زوجتك بين إيديك ... اختار حبيبى ثلاث امنيات للأحققهالك
الفكره 13
تشترى ورد مجفف وتكتبى بيه على الأرض أى كلمه تعجبك ،
مثلا إسم زوجك أوكلمة (حبيبى) أو تعملى بيه شكل قلب
وتفاجئى بيها حبيبك لمه يدخل البيت.
وممكن برضه تكتبى بالورد ده على السرير أى كلمه حلوه لزوجك.
وممكن بدل الورد تحطى شموع ، لتكون شكل قلب
يكون قريب منكوا إنتوا الإتنين، وسهل جدا إنكوا تشوفوها.
الفكره 14
ممكن تحطى على السفره رساله ، علشان زوجك يشوفها لمه ييجى ياكل ، وتبقى
الرساله ديه مربوطه بشريط أحمر ، ومربوط معاهم مفتاح.
واكتبى فى الرساله ديه:
انا قررت اعطيك قلبي و معاه مفتاحو
الفكره 15
ممكن تعلقى على الدش ورده بالمقلوب
وحطى معاها ورقه ، واكتبى فيها:
( أردت أن أغسلك بالزهور).
الفكره 16
ممكن تعلقى خيط فى غرفة النوم ،
وترصصى عليه ورق ، وتثبتيه بمشبك الورق ،
وتكتبى فى كل ورقه منهم كلمه جميله لحبيبك مثلا،
(أحبك لأنك تجلب السعاده إلى قلبى) ، ( أحبك لانك رمز الرجوله )،
( أحبك لأنك دائما تشعرنى بأهميتى) ، (أحبك لأنك تفهمنى)،
( أشكرك لأنك دخلت حياتى) ، (أنت زوج رائع )،
( أحب وجودك من حولى) ، (أتمنى لك يوما سعيدا)،
( صورتك دائما فى مخيلتى يا أغلى حبيب)،
( كم هى رائعه حياتى بقربك) ، (أحبك يا من علمتنى معنى الحياه)،
( وحشتنى موووووووووووت) ، ( بعدك عذبنى)،
( كنت أعد الدقائق ... لحين لحظة لقائك).
ليست هناك تعليقات:
إرسال تعليق