اولا وحشتونى كتيــــــر
ثانيا الموضوع ده خاص بالمتزوجات والى كاتبين كتابهم فقط
( المخطوبات يمتنعون )
وانا بريئة من كل واحدة غير كدة انها تستخدم الموضوع
ثالثااً عايزة كل واحدة فيكوا تاخد النية فى الموضوع ده انها تبسط زوجها وتكون قرة عين له وتغنيه عن كل حرام برا ’ والدلع الى بيشوفو فى التلفزيون والشارع ده يشوفو منك انتى يا قمر – فى الاخر وفى الاول ده زوجك والمفروض تعفيه وتكونى قرة عين ليه , وده اكيد بكل حاجــــــة بلبسك بحركاتك بطريقة كلامك بتصرفاتك معاه ولازم كل الحجات دى تبقى فى توازن يعنى مبقاش شاطرة فى حاجة ومقصرة فى الثانية – مبقاش بلبس احلى لبس وانا بكلمه كأن واحد صحبه قاعد معاه – ومينفعش برضو اكون رقيقة وهادية والبسله جلبية الطبيخ
- اكيد فهمتونى
قولى لزوجك بحبـــــــــــــــــــــــك ...
1-بعنيكِ – يعنى يبص فى عنيكى يحس ان نظرتك دى بتقولوا بحبــــــــــــــــــــــــــــــــك
2-بلغة صم وبكم-اه بجد مش بهزر – شوفتى انتى كليب نانسى عجرم لما كانت بتحب ولد اخرس وكانت بتعملو بالاشارة انها بتحبه – اهو انتى هتعملى زيها بس فى الحلال بقى
3-بهمس فى ودانه-دى بقى هتبقى مثيرة جدا – قوليله قرب عايزة اقولك حاجة وبكل رقة ورومانسية قوليها بهمس فى ودنه
4-بصوابعه يقرا شفايفك-يعنى دى مش هتكون بصوت وهتطلبى منه يغمض عينه , هتحركى شفايفك وتخلى صوابع ايديه على شفايفك بحيث يقرأها بايديه
5-بطة حلوة بتقول كاك-ايوة دى ممكن تبقى مناسبة اوى فى الاول خالص وانتو لسة مأخذتوش على بعض او اول مرة تقوليله بحبك فيها هتقوليله "بطة حلوة بتقول كاك" هيوقلك يعنى اية؟ , قوليله خد أول حرف من كل كلمة
6-هتكتبيها على ايده بصوابعك , يعنى يبقى لابس نص كم او انتى شمريله عادى لو لابس بكم وهتطلبى منه يغمض برضو وهتمشى صوابعك على ايديه وتكتبى بحبك
7-قوليهاله على شفايفه-بس دى بقى للمتزوجات فقط , مبفضلش فى كتب الكتاب- ودى مش محتاجة تفسير
8-صلصة على الاكل-يعنى مثلا تكونى عملة فتة وتكتبى بالصلصة على وش الرز "بحبك"
9-لسان عصفور حروف-فى لسان عصفور كدة على شكل حروف اكيد عرفينوا تبقوا قاعدين بتاكلو وانتى طبعا تكونى ركنتى حروف LOVE قبل الاكل مش هتعدى تنقى الحروف من الشوربة هيفتكرك لسعتى او اتهبلتى – المهم تحطيهم على المعلقة وتورهالو
10-صورة على اللاب توب-لو عندو لاب خاص بيه غيرى صورة الديسك توب بكلمة بحبك لو كمان تبقى صورة ليكو انتو الاتنين وتكتبى عليها بحبك هتبقى حلوة اوىبس خدى بالك -حتى لو انتى بوشك- لو زوجك بياخد الاب معاه الشغل وحد يشوف صورتكو على الاب , ماينفعش طبعا
11-خلفية موبيله-نفس حوار الاب
12-قلم روج على المرايا- دى قديمة شوية بس اكتبيله بقلم الروج على مراية الحمام بحبك وممكن تطبعى شفايفك بالمرة
13بخار الحمام-تبقى مثلا مجهزاله الحمام عشان هياخد دش وطبعا المية السخنة بتعمل بخار على المرايا , وقبل ما يدخل هتكتبى على المرايا بحبك
14-سقف غرفة النوم-تكتبى كلمة بحبك على ورقة كبيــــــــــرة شوية والزقيها فى السقف عشان لما يجى ينام على ظهره يشوفها
15- ورق السندوتشات-لو بتعمليلوه سندوتشات وهو نازل على الشغل الورق الى هتلفى فيه السندوتش اكتبيه جواه بحبك
16-عربية لاسلكى – استلفى عربية الاسلكى بتاعة حمادة ابنك والزقى او علقى فيها ورقة وزوجك يبقى قاعد كدة ومشى العربية لحد عندو
17-اودام المرايا – بمعنى هتجيبى ورقة وتكتبى كلمة بحبك وبعدين اقلبى الورقة على ظهرها هتلاقى الكلمة بينة شوية امشى عليها بالقلم هتبقى مش مفهومة بس لو مسكتيها ووقفتى اودام المرايا هتبقى مقروأة وهتلزيقها وهى مشقلبة كدة على الحيطة الى قصاد المرايا بحيث هو لو جه يقف اودام المرايا يقرأها – فهميييييين؟؟
18-هتغيرى اسمك على تلفونه"بحبك" وترنيله – يعنى لما ترنى عليه هيلاقى (( بحبك يتصل بك ....))
19-لو شغال فى جهة معروفة او شكرة او كدة تبعتيله جواب على عنوان الشركة فيه بحبك
20-على بوكيه ورد , تبقى مكلمة محل ورد على بوكيه ورد يبعتلك بوكبه ورد بكرت مكتوب عليه بحبك , بس تبقى قاعدة انتى وهو فى البيت وتعملى نفسك مش عارفة ولما الجرس يضرب خليه هو الى يفتح ويستلم البوكيه ويقرا الكارت
21-فى العربية-لو عنده عربية ممكن تكتبيها وتلزقهالو على الازاز او تبقى على الكرسى – فى اى حطة يعنى
22-تجيبى شوكلاتية كدبورى كبيرة كدة او اى شوكلاتة بيحبها وافتحى الكيس براحة وبهدوء ودخلى جواه ورقة مكتوب عليها بحبك وبعدين سخنى معلقة على النار وحولى تقفلى الكيس تانى بنظافة ومن غير ميلاحظ على اد ما تقدرى
23-مسدج صوتيه – الست الى وجعة دمغنا الى ليل نهار ((ممكن تبعلوه مينى كول بصوتك اطلب نجمة ومش عارف اية كدة)) احنا عايزين ننفع الست الغلبانة دى – ابعتيلوه مسدج صوتية وقوليله بحبك
24- مسدج وسائط- المسدجات الى بتقدرى تحوطى فيها صورة وممكن صوت – نقى صورة حلوة كدة فيها بحبك وسجلى بصوتك "بحبك" واعملى المسدج وابعتيها – بجنيه تقريبا مش خسارة فيه
25-تبقو قاعدين مع بعض وهو مش واخد باله ابعتيله مسدج فيها بحبك ... هيسمع صوت المسدج هيروح على التليفون هيفتح هيلقيها انتى طبعا هيبصلك ويضحك تبصيلو بمنتهى الرومانسية وتقوليله اى كلمة مثلا ((لحد ما اموت , اوى واى , ومش هتعرف اد اية ...الخ))
طبعا برضو عشا الذكاء دى تكملة لكلمة بحبك ,,, يعنى كأنك بتقولى "بحبك لحد ما اموت" بس هو قرا "بحبك" فانتى هتقولى "لحد ما اموت " , ومفيش مانع برضو تروحى نحيته وتحضنيه او تقبليه
26-تكلميه فى الشغل بدون اى مناسبة وتقوليه بحبك
27-فى عزومة - تبقوا فى عزومة والمكان مليان بنى ادمين ياما طوتى عليه وتوشوشيه فى ودنه بحبك-بس خدى بالك العزومة دى لو فيها نساء على رجال والرجال فيهم ناس مش محارم ليكى يفضل متقعدش معاهم اصلا , انا اقصد لو الرجال الى فى العزومة محارم ليكى ولو مش محارم يستحسن تبعتيها فى مسدج- او تبعتيها فى مسدج , الطريقة دى لزمتها انك بتقوليله اه احنا فى زحمة ورغى وناس كتير بس برضو مش نسياك وبحبك
28-تبقوا فى كتب كتاب حد من قرايبكوا وتبعتيله مسدج تقوليله "فاكر يوم كتب كتبنا ..بحبك
29-بنور الاباجورة-فاكرين دروس الطباعة الى كنا بناخدها فى الرسم اهى زيها هاتى ورقة واكتبى فيها بحبك وفرغيها وحططيها فوق فتحة النور بتاعة الاباجورة هيبقى النور ضارب فى السقف بكلمة بحبك
30--قعر طبق زجاج-لو عندك اطباق زجاج او بيركس اكتبى كلمة بحبك على ورقة والزقيها فى قعر الطبق واغرفى الاكل عادى وهو اول ما يخلص طبقه هيلاقى الكلمة ظهرة فى قعر الطبق – بي مش عايزة ذكاء الله يخليكو الورقة هتتلزق على قعر الطبق من تحت مش من فوق يعنى مش هتغرفى الاكل عليها
أنا كدة خلصت ال30 طريقة , الى عندها حاجة ثانية متبخلش على اخوتها الفتوكات عشان نعرف ونستفيد
ليست هناك تعليقات:
إرسال تعليق