افكار ررومانسيه جديده يمكن الرجاله تحس على دمها

ويارب تكونوا بخير وسعاده ويبعد عنكم شياطين الانس والجن جيبلكم انهاررده افكار جديده يارب تعجبكم بس ملحوظه الافكار دي للستات اللي اجوازهم مش رومانسيه اوبتكسل تبقى رومانسيه ودي على فكره اسوا المهم انتي يافتوكه يامزموزه هتعملي ايه هتشغلي مخك اللي يمكن من قلة الشغل صدا ازاااااااي بصى ياستي اول حاجه لازم جوزك يكون عارف خطك كويييييييس عشان متحصلش مشكله وتدعي عليا انا قولت اهو خلاص نبدا التنفيذ اول فكره تروحي تشتري بوكيه ورد صغير او حتى ورده بس تكون حمرا المهم متكلفيش نفسك وتجيبي كارت حلو وتكتبي لنفسك اي كلام حلو كان نفسك تسمعيه من جوزك وممكن متمضيش تحت الكلام وممكن تمضي بزوجك حبيبك وتحطي الكارت جنب الورد في مكان ظاهر في الشقه في الصاله مثلا عشان اول مايدخل البيت ياخد باله يقولك ايه ده قوليله عادي كان نفسي احس ان حد فاكرني ومعبرني قولت مستناش حد وادلع نفسى وخلاص. طبعا رد فعله هيختلف من راجل لراجل بس ممكن يقول الوليه اتجننت ولا ايه ويمشي وميعبركيش عااااااادي ولا تحطي في بالك . نخش على اللي بعده اكتبي جواب حب وغرام لنفسك وحطيه في ظرف وامضيه برده بزوجك اللي بيحبك بس متكتبيش حاجه على الظرف من بره غير عنوانكم بس من غير امضى سمعانييييييي وبعدين سبيه ادام باب الشقه من بره بس قبل مايجي على طول احسن يقع في ايد حد تااااني وخصوصا لو ساكنه مع حماتك او قرايب او سلايفففففففف ويفتحوا الجواب من باب الفضول مركزه ولا ايه لازم تنفذي التعليمات بالحرف عشان تجيب النتايج المرجوه المهم هو هيجي يدخل البيت هيلاقي الجواب فيخده ويقراه وبرده هيستغرب تاني ويناديكي ويقولك ايه ده قولي له وريني اعملي نفسك بتقريه وقوليله الله ياحبيبي ايه الكلام الحلو اللي انت كاتبه ليا ده ماكنتش عارفه انك بتحبني قوي كده وبوسيه على خده بوسه سريعه وسبيه وامشي هتلقيه عمل كده : :بعد كده بكام يوم امسكي موبايله بس قدامه يعني يكون واخد باله وشيفك هيقولك عايزه ايه من الموبايل قولي له هبعت رساله حلوه لنفسي اصلي مشتاقه لرسايل زماااان اللي كنت بتبعتها ليا وبطلت وبصي في عينيه بصت شوق وسهوكه واتنهدي بحراره واسبكي الدووور ممكن ساعتها يحس على دمه ويقوم واخدك في حضنه ساعتها اوعي تضيعي الفرصه واستغليها اسوا قصدى احسن استغلال يعني كام دمعه على الخد برقه مع انت واحشتني قوي قوي وانت مش حاسس بالنار اللي فيا من شوقي ليك وانت مش عارف حبك عامل فيا ايه وانت ولا انت هنا واسكتي ودمعي بس متجعريش وعياط بقا وسويط ويحس انك حنفي برررررررقه وضعف ودلع المهم لازم اليوم ده يوم اجازه مثلا او هو مش جي تعبان من الشغل عشان يتحقق المراد من رب العباد . طبعا ياحبيبتي لو ماحسش على دمه وقالك مثلا هاتي الموبايل هتخلصي الرصيد ياهبله ساعتها ياحبيبتي سلمي امرك لله لان مافيش منه امل واهو اديكي ضحكت على نفسك وحسستيها ان في حد فاكرها ومعبرها بس متعمليش كده تاني قدامه ودلعي نفسك وخلاص ومتخليش في نفسك حاجه بس اوعي الحرااااام يعني متطلعيش تدوري على الرومانسيه بره لا. عيشي نفسك فيها ومش مهم هو يمكن في يوم يتغير والله اعلم وختاما حبيباتي لوعجبكم الموضوع قيموا لومعجبكوش دعوه حلوه بظهر الغيب ليكون لكي مثلها والى القاء مع فكره جديده سلام ياقمرااااات.