جوزك فى الشغل ومعاكى رصيد وفاضيه دقيقتين .. طب تعالى حالا

السلام عليكم ورحمه الله وبركاته
 
طبعا كلو ساب كل حاجه و وركز فى كلمه معاكى رصيددى هههههههههههههههه
ماتقلقوش انا مش حراميه ارصده ولا حاجه
بس جات فى دماغى حاجه حلوه كده وان شاء الله فى خلال ربع ساعه نص ساعه ولو قولنا ساعه مش مشكله هنلاقى نتيجه تسعدنا بإذن الله لو ربنا وفقنا فيها يعنى...
هتقولو ايه جو حبشوس ملبوش فرقع الفانوس ده
طبعا بعد الشر علينا
ده لا سحر ولا شعوذه ده ب 2 جنيه ومابيتكسرش ايه اللى انا بقولو ده
يلا يلا نخش فى الجد احسن
ايه رأيك لو انتى متجوزه وجوزك دوقتى فى الشغل ياعينى وطالع نن عنيه
ومعاكى رصيد ولو نص جنيه ومعاكى رقم جوزك ههههههههههههه
وفاضيه تمسكى الموبايل دقيقتين عقبال ماتفتحى قفل المفاتيح يعنى
وتدورى على اسم جوزك
وتبعتيلو رساله
وتقوليلو فيها كلمه حلوه من اياهماه يانواياكم بلاش قلة ادب يابت انتى وهى كلمه حلوه >> حب يعنى هههههههه
ده وقت شغل هو الراجل فاضيلك
يعنى مثلا بحبك اوى
بموت فيك
ربنا يخليك ليا
ابقى هاتلى طماطم وانت جاى
بهزر طبعا

اممم جربو كده وتعالولى بعد شويه وقولولى ايه النتيجه معاكى


.........
ولو معبركيش لا تيأسى ايتها المزمازيل اعتبرى انه معهوش رصيد واما يجى من الشغل سمعي صوتك امة لا اله الا الله وافضحيه


..........

استنوووووو*^^
طبعا هتيجى واحده تقولى طب الراجل مش فى الشغل واعد جنبى اهو
هقولها قومى يالهطة القشطه هاتى موبايلك وارزعيلو رساله من اياهم
اياهم يعنى حب اوعو تنسو ههههههههه
بالعكس ده كده هتلاقى نتيجه من اياهم (((أيوه اياهم المره دى هى اللى انتو فاهمينها هههههههههه))



.....

^^*
وطبعا تيجى واحده تالته وتقولى طب انا معييش رصيد
هقولها حل من التلاته
اول حاجه ياتستنى لحد ماتشحنى اصل الايام اودامك كتيره ان شاء الله ماتقلقيش
تانى حاجه يأما لو عندك اكاونت عالفيس وضايفاه عليه ابعتيلو

ومفيش تالت حاجه انا حره بقى


...........
يلا ياوظاويظ قولولى عملتو ايه وايه النتيجه
عارفين اللى مش هتعبرنى


ولو النتيجه حلوه ادونى تقييمه كده
ولو النتيجه بخ : ادونى تقييمه بردو هو انا اللى قولتلك تتجوزيه ههههههههههه